وفاة والدي ووالدتي خلوني عايزة أرقص ولما بتخانق مع رامي مبسكوتش.. أبرز تصريحات دنيا سمير غانم مع عمرو أديب

حلت الفنانة دنيا سمير غانم، ضيفة برنامج بيج تايم الذي يقدمه الإعلامي عمرو أديب عبر شاشة قناة mbc، وتحدثت خلاله عن حياتها الشخصية والفنية.

وقالت دنيا سمير غانم، خلال اللقاء: موت والدي ووالدتي خلاني اكتشف إن الحزن ده مش زي ما بنوريه في الأفلام خالص، وحزني عليهم خلاني عايزة أرقص واغني وأمثل لأن حياتي متبرمجة إن الفن يعني هما وبحس في الشغل إن هما معايا طول الوقت.

وتابعت: ودا على عكس حزن أختي إيمي اللي مكنتش عايزة تقابل حد ولا تنزل شغل، وتفضل قاعدة ساكته لأن هي كانت متعلقة أوي بوالدي، وبالعافية قدرنا نقنعها تمثل مع حسن الرداد في موسم الرياض.

وأضافت: الوقت اللي كان قبل وفاتهم صعب أووي، وصورتهم وهما تعبانين على طول معايا، والجمهور السعودي لما بيشفوني يقولو لي الله يرحم الوالد والوالدة.

وأكدت: السوشيال ميديا للأسف بوظت حياتنا، ومش بهتم بالهجوم اللي بتعرضله عليها، وعلشان اللي بيحصل عليها عاملين لبنتي كايلا ساعة واحدة بس في اليوم تستخدمها.

وأوضحت: رامي رضوان في البيت زوج مثالي، وبيسندني وبيشجعني، في شغلي، وهو حقاني أما بيعمل حاجة غلط بيعترف بيها وبيحب إن الست ديمًا تقول رأيها ويبقى عندها مكانتها.

واختتمت: لو بتخانق مع رامي مش بسكت خالص وبحب أطلع اللي جوايا، عشان الخلاف ما يزيدش.